حبيبي ما بقالي من رحل طيفك وطن وبلاد
غريب وطال مسرى غربتي وعيونك ابلادي
مصايب جت جميع وكنت متمنى تكون افراد
وانا مالي خياران جت جميع اوكانت افرادي
انا من يوم غبتي صرت لفنون العنا معتاد
وصرت بعين وقتي والد وجروحي اولادي
اقول الحزن خف وحزن مجروح المسافه زاد
واقول الدرب يقصر والمسافه دوم تزدادي
اصدر من ينابيع الالم وارجع لها وراد
كذا اقزر غيابك بين مصداري وميرادي
انا وانتي ضحايا والضروف القاهره جلاد
مصيبه يوم صار الوقت هو خصمي وجلادي
اكابر في غيابك واتحاشى نظرة الحساد
واقول الامر عادي والاكيد انه مهو عادي
انا بقول جاجه ياوطن عمري!تصدق عــــاد
بقلبي شوك بعدك يستفز الفل والكــادي
انا لامن ذكرتك سالف اجروحي تعود اجداد
وانا الذكرى رفيقة درب في صحوي ومرقادي
تذكرتك وانا لي في بحور العاطفه ميعاد
واشوفك في بحور الذاكره تركض لميعادي
وصلت وما لقيتك وانتحر في لحضة الميلاد
رجا عين اتمنى شوفتك يالفــاتن الهادي
تذكرتك وانا اسمع صوت ابو نوره شدا..بابعاد
ولمستك في خفوقي والغلا يســكن فوادي
يدور الوقت لاكن ما نقص حبك وفيضه زاد
يمر الليل وثياب السهرتستطرد اسهادي
ياليت العمر يرجع والسنين اللي مضت تنعاد
ولو تطلب عيوني بقلك سم يا غاية امرادي
وسلامتكم
الثلاثاء مارس 22, 2011 12:16 pm من طرف 
المزاج : 
