اللي بقى لي مع الايام ..

اللي بقى لـي مـع الأيـام .. وفّيتـه
والضيق لـو ينهمـر تشربْـه وديانـي

ماهي كبيـره علـي والحـزن غنيتـه
وْلاهـي غريبـه إذا وقتـي تحـدانـي

الخوف -يا من نبشت القلب وادميته-
لاعشت زهرة شبابك وانت وحدانـي!!

كم جرح خذْته من الأحباب.. ضمّيتـه
وجروح قلبـي زكـاة لْحُـبّّ خِلاّنـي

مطعون؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاوانـي

صدمه؟ بسيطه ،، هَوان الحال؟ مرّيتـه
مقرود؟ أدري ،، وإذا حرمان؟ عدّانـي

ما فاح هـمّ ٍ لـك الله مـا تقهويتـه
ما مـرّ حـزن ٍ بغيـري مـا تبلاّنـي!

ياما ويامـا مـن الخـذلان .. عديتـه
إلا بصاحبْ .. بعد عِشـره تناسانـي!!

أزريت لأنسـى غيابـه ليـن ناديتـه
والمـوت لامـن تجاهلنـي وجافـانـي

وينه يجينـي .. وكـل عْتـاب كنّيتـه
ياليت يدري بعد فرقـاه وش جانـي!!

من كنت طفل ٍ وانا أرجـاه فـي بيتـه
شيّبت.. واثره على هالحـال خلانـي!

حتى جنـاح العَتَـب لرضـاه ذليتـه
ماطِرْت بعده فـرح مـن ذلّ جنحانـي

يا قلب صبرك .. ترى كل شيّ سويتـه
ما كان أفضل من اللي كـان بإمكانـي

لو بيّ قـوه علـى الهجـران؟ خليتـه
لو بـيّ ذره مـن النكـران؟ يفدااانـي

الجرح أرحم .. إذا يرجع مـن أغليتـه
مجروح؟ فِدوه .. ولكن صعب وحداني

اللي بقى لي مع الايام .. 932129

الجرح أرحم .. إذا يرجع مـن أغليتـه
مجروح؟ فِدوه .. ولكن صعب وحداني

يالبى قلبك شوشو

رااائعه القصيدة

وابيااات قمة بالجمال

تحيااتي

يالبا قلبك انتي والله

منورره يالغلا

ماننحرم يارب من تواجدك

تحيااتي لك