الشاب الحبيب..والبنت الذكيه

صباح الخير

/حيث ان التغيير مهم جدا في حياتنا لإستمرارها / طلب مني وضع موضوع غيرر وبطريقه غيرر

الموضوع عن (الشاب الحبيب ..والبنت الذكيه..اقصد تحسب انها ذكيه/اترككم مع الموضوع

1 – الشاب الذكي اول شي يبدى بيه يدور رقم تليفونك ولا رقم الارضي ... طبعا انتي كان تفكري تعطيه نقالك عشان ميردش عليه خوك الصغير يشهدر بيك ....

2 – يبدى عاد مسلسل الحب 24 ساعة يرن عليك ليل ونهار تعلق عنده الاسطوانه وحشتيني نحبك انت اجمل من شافت عيني و مرفقه طبعا بالمسجات الي كلها حب وغرام و غزل (و طبعا حضرتك لازم يا تردي بمسج عاااادي يا مس كول و مع اول رنه يفتح عليك (تستاهليها)

3 – و طبعا بما انك رديتي ع المسجات برنه ولا مسج معناها انتي مشيتي الجو شوي حضرتك كله ذوق يرن عليك عقاب الليل (ما بعد منتصف الليل ........) و انتي مكسده جنب خواتك ولا اتفرجي علي مسلسل جنب الماما و البابا(المساكين)و يسمعك اغاني العشقو الوله(يبان طبعا وقتها على وجهك جميع الأولوان)

4 – بعد فتره تمتد بين اسبوعين و شهر (حسب شخصيتك في هالفترة ) وبعد ما تكوني تعودتي عليه يوقف المسجات فجاة عارفة ليش (لأنه هذي الخطة المتبعة عشان تحسي انه في حاجة ناقصة في حياتك و تبدي تفقديه و أوووووووو لو صار هكي "نهارك احرف شدي ما جاك وقتها ......")

5 – توا تبدى المرحلة الثانية :..... تبدى تخف المسجات و بعدها تنقطع و يبدى في نظام الرنات و متسأليش ع السبب لأنه مسكين طالب و تعارك مع امه لأنه قاللها يبي يخطبك و منعو عنه المصروف .!!! انتي السبب !!!!!!!!!

6 – و بما انه صعب انه يكلمك واجد و انه متوحشك و ميقدرش علي بعدك و يحارب الدنيا كلها عشانك يطلب منك انك اضحي بساعة من يومك و تقابليه بره ... طبعا انتي بعد كر... و فر .... يوجعك حاله و توافقي تطلعي معاه بس بشرط مطوليش ربع ساعة بس ... طبعا هوا يقولك نملى عيني بشوفتك بس حتى دقيقه ...

7 – بعدها يطلب منك انه يشوفك في مكان اهدى اشويه لأنه المره اللي فاتت مكانش متريح الشباب يبحتوا فيك و هوا يغيررر عليك موووووووت لالا لازم تطلعوا في مكان هادي و انت من شدة ذكائك تقوليله اوكي بس هذي اخر مره يقولك خلاص هانت اخر مره انشالله الجاية في حوشكم بعد يجو هلي ........

8- و بعد تلاقيتوا تقعدوا بسعادة على كرسي واحد و فجأة بدون سابق انذار يمسك ايدك يبحت في عيونك و يقولك انحبك و انتي طبعا خلاص استسلمتي و عيونك مش قادرة تحوليهن من عيونه(ملاحظة الشاب حول و عيونه ضيقاااااااات) ................

-9 و هنا تبدى المرحلة الثالثة هوا معندش كيف يكلمك مفيش رصيد و انتي كيف الهبله تسرقي من تليفونك الماما جنية و من بابا جنية و تحطي كل مصروفك رصيد

11 – و في هالمرحلة يطلب يشوفك اكثر و يطول معاك اكثر و انتي طبعا غبية تسيبي محاضراتك و مستقبلك عشان بو عين زرقة قصدي حوله و من حضك الحلو يمسكك الأمن في الجامعة و لا يشوفك صاحب خوك طبعا هوا شهم في هاللحظة يقول للأمن هذي خطيبتي تفرحي انتي تحسابيها هيا الدوة كلا صاحب خوك يقولك شن دخله بيك و يديرلك قصة و انتي تقعدي تبرري تبيه يرضى .......!!!

12- طبعا هوا يزعل كيف دايره كل هالقيمة لصاحب خوك و يقعد ايام ميرنش عليك انتي ترني و تراضيه ... بعد بعد ما يدره كبدك يرضى ...

14 – تبدى المرحلة الرابعة خلاص صاحبنا مل انتي ترني و هوا يعطيك مشغول مسكين مش فاضي عنده شغل - يوصل في امه العزا - قاعد مع اصحابه "السبل المعروفه...." و بعدها معش يرن عليك بكل ....

15 طبعا انتي تموتي عليه مشغوله و مرايفه ترني ترني ترني يرفع السماعة يهزبك و يقولك معش ترني حشمتيني (على اساس انه هوا مكنش يرن في أي وقت ) و بعد اسبوع انتي تبي اديري موقف كيف البنت الشاطرة تقوليلا جوني خطاب يسكت او يقولك منقدرش نحكي توا مضايق مسكين او يدير روحه يبكي في اقصى الحالات و معش يرن عليك بككككككككل ...
16- طبعا انتي تبي تطمني و مزلتي تقولي هذا يحبني ترني عليه مقبل يرد و بعد رد عليك بصوت حزين : يقولك للأسف ما ينفعش ارتباطنا انا منقدرش نخطب توا و منبيش نربطك و كانهوا ولد حلال وافقي لأني نحبك منبيش نعطل عليك انتي انسانه كويسه و تستاهلي كل خير بس معش ترني عليا بكل .. ميبيش يخرب عليك طيب
يحسسك بالاكشن و على اساس انه بيحبك بس الله غالب ظروف ..)

16 – اخيرا و ليس اخرا ترني 1000000000 مره في اليوم ميردش عليك و انتي تبكي و مش عارفة شن اديري ترني علي صاحبه يقولك فكك منه هذا مش لك شوفي حالك و تقريبا سمعت انه خطب معش ترني عليه .......... و يبدى سيناريو جديد يكلمك صاحبه شن دايره اليوم شن اخبارك ويواسي فيك و انتي شاطره طبعا و مجربه و مش ممكن اطيحي في نفس الفخ مرتين ..وبسلامه

(نسأل الله العافيه والسلامه...ويحمي شبابنا وبناتنا يارب)

كـــــــــــــــ الود ـــــــــــــــل

هههههههههههههههههههههههههههه

وربي ضحكة ياهمووسه

اظن مافيه شباااب من هالنوعيه هالايااام ولا بنااات

لان شااب هاليووم طفراان وفقراان ههههع ((سووري ياشباااب لاتزعلون))

وبنات هاليووم مو ساذجات للدرجه هذي ..

لان اللي بتكلم شااب اعتقد هي فااهم الموال كله ..

وموال الحب والكلام المعسوول مايمشي هاليويمين

يعني تاخذ اللي تبيه واللي تخليه تخليه ..,,

واعتقد انه في علاقة اسمى من هذاا كله

علاقة اسمى من الصدااقه والحب ..

علاقة لها معالم غير ..وتفاصيل غيررر

بس ماتلقاااها بهاالزمن يمكن تلقاااها ولو لقيتها لاتفرط فيها

اعذريني طولت ..

بس هذي قناعاااتي

ولك حبي وتحياااتي

» أخي الشاب كيف ترفع ضغط البنات هههههههه
» الحبيب والخاطب والمتزوج
» أصعب خيانه الحبيب او الصديق