وتلومني بك إذا قد جيت أغني لك

,, وتلومني بك إذا قد جيت أغني لك ,,

مابين فكيـن بعـدك وانتظـاري لـك
أبحر على موجتك وارسى على جالـك

من زود شوقي عليـك اشـم منديلـك
واعصب يمين الكتابه في طرف شالـك

اظما فراتـك واذوب بشوقـي لنيلـك
واموت لو ضيق كونك يالغلا جـا لـك

احسد شوارد قصيـدي فـي مراسيلـك
لانـه اكيـد بغيابـي تطـري فبالـك

من كثر ياروح روحي زود حبـي لـك
اغار من خطوتك لـو تبعـت ظلالـك

من قبل تنده بصوتك روحي تجي لـك
كنها تسابق بقايـا جسـم يسعـا لـك

ياللي انت نايف خفوقي من عدى جيلك
الـدار دارك حبيبـي وحـدك لحالـك

بس مدّ لي من حـلا صوتـك فناجيلـك
ماهز سمع اشتياقـي طيـب فنجالـك

الليـل ظلمـا وتوحشنـي قناديـلـك
والصبح من دون شوفك مظلم(ن) حالك

وتلومني بك اذا قد جيـت اغنـي لـك
قبل التغني جميـع الكـون غنى لـك