لاتشتكي ياقلب من اي موضوع لاتشتكي

لا تشتكي حالك على كل من جاك
بعض البشر يفرح الى قلت مهموم

يخفي سمومه بين همك وشكـواك
يشمت بحالك والحصيله شقا ولوم

واحذر من اللي ينقل الهرج لعداك
يظهر لك الطيب وهو منه معـدوم

قلبه مريض ويخلط السم بـدواك
يعرض عليك الرأي والرأي مسموم

وابعد عن اللي يستغلك الى جـاك
تلقاه دايم بين الأخيار مذمـوم

احسب حسابك في كلامك ومعناك
وسط المجالس كل ما ادليت بعلوم

خل سمعك اكثر من كلامك وفتواك
تلقى القدر يمك من الناس ملـزوم

ولا تذكر افعالك بما تجود يمنـاك
عنك الولي يدري ولك الخير مقسوم

وخلك مع اللي يشتكي لك وينخاك
بك ينتخي من ضيم الأيام وهموم

خذها وصايا تسعـدك دوم دنيـاك
واحفظ معانيها تحفظك من اللـوم


[center]

لا تشتكي حالك على كل من جاك
بعض البشر يفرح الى قلت مهموم



طررح اكثر من رائع خيوو سلطان
دوووم ياارب هالطررح المتميزز
ماننحرم ياارب من جديك ولا تواصلك

تحيااتي لك

شكرا الله يخليكم على الرد السريع؟؟؟ ويارب اكون عند حسن ظنكم؟؟