لحن الغرام

اهلاًهلا بالحـب والحسـن والتيـه
جيتي وحسيت الفرح والهنا جـاي


جيتي وقلبي عانق اشـواق مغليـه
يسبقني احساسي قبل توصل اخطاي


ورد الغلا في درب وصلك نثرتيـه
وزانت بعيني يا هوى البال دنيـاي


ذوقي غراما في فـؤادي زرعتيـه
وحسي غلاتك قبل ماتنطق شفـاي


شوفي فؤادي كيف وحدك سكنتيـه
واحتلني حبك من اقصـاي لدنـاي


وغيرك من الخلان مابيـه مابيـه
أناعشقتـك والوفـا دوم مـبـداي


ولحن الغرام الي بقلبـي عزفتيـه
ألذ من طعم المسا مـع لحـن نـاي


حتى كلامك غيـر لامـن حكيتيـهه
مسك وصوتك صار لي غايه مناي


حتى انا اسمـي يالغـلا لا نطقتيـه
يزين في صوتك انا اسمي ومعنـاي


قولـي حبيبي اقـول لبيـه لبيـه
قولي غرامي اجيك كلي من اقصـاي

مع أرق التحاااايااا