حرام حدك تجرينه

لا تزعلين ان جاك عني خبر شين قالوا توفى بس هذي وصاته
حرام خدك تجرحه دمعة العين مادام ماشا ف الدموع بحياته
عيشي حياتك بس لا لا تنوحين وانسى زمان الامس وانسي حلاته
بس اذكرك منهو يحبك من سنين وماحدٍ على شانك يسوي سواته
اختار لاشعاره من اسمك عناونين واصبحتي اجمل شي بذكرياته
حبك بقلبه ماتحمكه قوانين وانتي نظر عينه وانتي عصاته
الحب يبقى بيد بعض المحبين لو طالت المده يزيد بثباته
لكن ليا منك بغيتي تبيعين حنا نبيع الشي مهما غلاته
الحر مايطمع بعيشة مساكين والا الردي يطمع بعيشة خواته
انا بدوي قبل اعرفك .. وهالحين وكل بدوي يابنت يفخر بذاته
كرامته مايبيعها بالملايين لو راس ماله في حياته عباته
وحنا البدو يانبت وانتي تعرفين إليا زرعنا الزرع يثمر نباته
نفضل انا نموت موتة عزيزين ولا تجينا من عدانا شماته